له اداري کارکوونکو سره د همغږۍ غونډه ترسره شوه
نن ورځ دوشنبه په میرویس خان نیکه زابل د لوړو زده کړو مؤسسه کښې دمؤسسې د اداري کارکوونکو ترمنځ د همغږۍ غونډه په داسي حال کې ترسره شوه، چې پر مهال یې د یادې مؤسسې رئیس الحاج روح الله مشال، د شرعیاتو پوهنځی رئیس مولوي عبدالصمد سیال او د مؤسسې ټولو کارکوونکو شتون درلود.
غونډه د قرآنکریم په څو مبارکو آیاتونو په تلاوت سره پیل شوه، ورپسې د میرویس خان نیکه زابل د لوړو زده کړو مؤسسې رئیس الحاج روح الله مشال د غونډې ګډونوالو ته ښه راغلاست ووایه او وروسته یې کارکوونکو ته د ادارې پر جوړښت، اصولو، د کارونو پر وخت ترسره کولو، کارونه د پلان مطابق ترسره کولو او خپل سیرت او صورت د (رسول الله صلی الله علیه وسلم) د سنتو مطابق برابرولو اړوند توصیه وکړه.
همدارنګه د شرعیاتو پوهنځی رئیس مولوي عبدالصمد سیال له لوري په اسلام کښې د آمر د امر پر اطاعت، د مسؤلیتونو په ترسره کولو کښې په پوره صداقت او رښتینولۍ پر ارزښت باندي و ګډونوالو ته پر معلوماتو تفصیلي بحث وکړ.
وروسته د غونډې د ګډونوالو له لوري ځيني نظرونو، غوښتنو او ستونزو باندي تر بحث وروسته غونډه د دعا په ویلو سره پای ته ورسیده.
