د مؤسسې د ټولو پوهنځیو څخه هر اړخیزه ارزونه تر سره شوه.
د روان هجري قمري کال د شوال میاشتې د وروستی اونۍ په جریان کې د میرویس خان نیکه زابل د لوړو زده کړو مؤسسې د د ټولو پوهنځیو هر اړخیزه ارزونه په داسي حال کې ترسره شوه، چې پر مهال یې د میرویس خان نیکه د لوړو زده کړو رئیس الحاج روح الله مشال تر مشري لاندې د علمي او محصلانو چارو معاون، د مالي او اداري چارو معاون او د پوهنځیو د رئیسانو حضور درلود.
په یاده ارزونه کې د پوهنځیو اړونده ستونزې او د ضعف نقاط په نښه شول او د اصلاح په موخه د اړونده پوهنځیو سره شریک شول، د یادې ارزونې په آخري ناسته کې چې په ۳۰/۱۰ / ۱۴۴۵هــ.ق نیټه تر سره شوه د مؤسسې رئیس د دوامداره ارزونې او نظارت په ارزښت خبرې وکړې او د ارزونکي پلاوي له هڅو څخه په مننې یاده ارزونه پای ته ورسیده.
