د قوشتپې کانال تر عنوان لاندې د واليبال سيالۍ پېل شوې
پرون ورځ سه شنبه، د میرویس خان نیکه زابل د لوړو زده کړو مؤسسې د والیبال په لوبغالې کې د یادې مؤسسې د ټولو پوهنځیو د ورزش د ټیمونو تر منځ، د ورزش کميټې له لوري د (قوشتپې کانال ) تر عنوان لاندي سیالۍ پېل شوې.
ياد ټورنمنټ چې د يوې غونډې په ترڅ کې د اقتصاد او ښوونې او روزنې پوهنځیو په لوبه پرانيستل شو، چې په مهال يې د پوهنځيو رئيسانو، استادانو ،مديرانو او د ورزش د کميټې مسؤولينو ګډون درلود.
د سپورټ د کمیټې آمر نوماند پ،هنیار محمد اسحاق سعادت لخوا ټولو ګډونوالو ته د ښه را غلاست تر څنګ و محصلينو ته د لوبو په جريان کې په صميميت، ورورولي، د اکاډميکو او ورزشي اخلاقو په رعايت ټينګار وکړ. همدارنګه یې د ورزش د کمیټې مسؤولینو او له ټولو همکارانو څخه مننه وکړه، چې تل یې په اکاډمیکو چارو کې ورسره همغږي او په اکمال کې مرسته کړې.
د يادولو وړ ده چي يادې سیالۍ به د میرویس خان نیکه زابل د لوړو زده کړو مؤسسې د څلورو پوهنځیو ترمنځ جریان لری چې په کې څلور لوبډلې شاملې دي چي لوبې به يې په دوو پړاونو کې ترسره او د یوې هفتې په جريان کې ختمې شي.
