د کرهڼې پوهنځی کتلاک چاپ شو.
د میرویس خان نیکه زابل د لوړو زده کړو مؤسسې د کرهڼې پوهنځی د نشراتو او فرهنګي چارو د فرعي کمیټې له لوري په لومړي ځل سره د کرهڼې پوهنځی چمتو شوی کتلاک چاپ شو.
په یاد کتلاک کې د کرهڼې پوهنځی لنډه پیژندنه، تاریخچه، لرلید، رسالت، موخې، ارزښتونه، زیربناءيي برخه، د علمي برنامو/څانګو پیژندنه، تحصیلي نظام، د استادانو او ادارې کارمندانو د پیژندنې جدول، تحصیلي نصاب، د آزموینو لایحه او پالیسۍ په منظم ډول ځای پر ځای شوي او ترتیب شوي دي.
د میرویس خان نیکه زابل د لوړو زده کړو مؤسسې رهبري د کرهڼې پوهنځی د نشراتو او فرهنګي چارو کمیټې د آمر او د غړیو له زیار او هڅو څخه چې د کتلاک په برخه کې یې تر سره کړې دي؛ مننه کوي، او د الله جل جلاله له دربار څخه ورته د لا زیاتو علمي او فرهنګي پرمختګونو دعا کوي.
