په ځوانانو کې د ابتکار او نوښت ارزښت سمینار وړاندې شو.
نن ورځ دوشنبه ۱۴۰۴/۴/۲نيټه د میرویس خان نیکه زابل د لوړو زده کړو مؤسسې محصلینو ته، په ځوانانو کې د ابتکار او نوښت ارزښت سمینار وړاندې شو.
یاد سمینار چې د محصلینو د انسجام او هغږۍ عمومې مدیریت له لورې په پام کې نیول شوی و د دعوت او ارشاد امریت په همکاري سره وړاندې شو.
سمینار د قرآن کریم په تلاوت سره پیل او وروسته د اقتصاد پوهنځی رئیس پوهنیار احسان الله سعد پیلیزه وینا وړاندې کړه، نوموړې په خپله پیلیزه وینا کې وویل: ځوانان او خاص بیا محصلین باید د ابتکار او نوښت ارزښت درک او وپېژنې، کله چې موږ د ابتکار او نوښت په څرنګوالي او مهموالي باندې پوه نه شو نو دا ناممکنه ده چې ابتکارات او نوښتونه وکړو.
پورته ذکر شوی سمینار په نوبت سره د دعوت او ارشاد مؤذن او مبلیغ مولوي محمد اسحاق مجاهد له لورې وړاندې شو.
نوموړي په یاد سمینار کې د ابتکار او نوښت ارزښت په قرآن او حدیثو کې، په تاریخ کې د ابتکار او نوښت بېلګې، په اوسني وخت کې د ابتکار او نوښت موجودیت او اړتیا، د ابتکار او نوښت په وړاندې پراته خنډونه او دې ته ورته موضوعات د سمینار ګډونوالو ته وړاندې کړل.
وروسته یاد سمنیار د دُعا په ویلو سره پای ته ورسېډ
د نشراتو، اړیکو او عامه پوهاوي عمومې مدیریت
