زابل پوهنتون رئیس د پوهنتون له یو شمیر صنفونو څخه لیدنه وکړه
د میرویس خان نیکه زابل د لوړو زده کړو مؤسسې له څلور واړه پوهنځیو د یو شمیر ټولګیو څخه په داسي حال کې لیدنه او څارنه ترسره شوه، چې په مهال یې د میرویس خان نیکه زابل د لوړو زده کړو مؤسسې رئیس الحاج روح الله مشال، د کتابتون عمومي مدیر قاري محمد برات نشاط، د تکنالوژي عمومي مدیر سید اکبر مبارز او د نشراتو، اړیکو او عامه پوهاوي عمومي مدیر احسان الله نصرت ګډون درلود.
په یاده لیدنه کې د محصلینو د درسونو له جریان څخه څارنه ترسره شوه، الحاج روح الله مشال محصلینو ته خپلو د درسونو ته په وخت حاضریدلو اړوند توصيې وکړې او وروسته یې د محصلینو څخه د هغوی غوښتنې او شکایتونه واوریدل.
ورپسې د کتابتون او تکنالوژي عمومي مدیرانو له لوري د کتابتون او کمپیوټر لیب اړوند طرزالعملونه تشریح شول او هغوی ته یې یادونه وکړه چې په خپلو علمي کارونو او کورنۍ دندو کې وخت پر وخت له کتابتون او انټرنیټ څخه سالمه استفاده وکړئ.
