د HEMISسیستم په هکله سیمینار وړاندي شو
پرون یکشنبه، د میرویس خان نیکه زابل د لوړو زده کړو مؤسسې، د معلوماتي ټکنالوژۍ په مدیریت کې، د بریښنایې زده کړو کمیټې له خوا، د لوړو زده کړو وزارت معلوماتي مدیریتي سیستم (HEMIS) په هکله سیمینار وړاندي شو.
یاد سیمینار چې د څانګو د آمرینو ، تدریسي مدیرانو او استادانو چارو د آمر لپاره ترتیب شوی وو، د قران کریم په مبارکو ایاتونو سره پیل شو، چې ورپسې د بریښنایې زده کړو د کمیټې آمر نوماند پوهنیار محمد اسمعیل سایل د یاد سیستم د ارزښت په هکله مقدماتي وینا وکړله.
وروسته سمینار د معلوماتي ټیکنالوژي د عمومي مدیر سید اکبر مبارز لخوا پیل شو، چې د یاد سیستم دکارونې ترڅنګ په سیستم کې په عملي ډول سره د آمرینو ، تدریسی مدیرانو او استادانو چارو د آمر مسئوولیتونه تشریح او هغوی ته یې خپله برخه کې د دقیق کارکولو لارښوونې وکړې.
په اخر کې د ګډونوالو پوښتنو ته د ځوابونو تر ویلو وروسته سمینار د دعا په ویلو سره پای ته ورسید.
