د پوهنتون د محصلینو، د ښوونځيو او مدارسو د زده کوونکو تر منځ تقريري سيالۍ ترسره شوي
په زابل کې د الرباط فکري او فرهنګي ادارې له لوري، د اطلاعاتو او کلتور ریاست د ځوانانو چارو آمریت، پوهنې، حج او اوقاف، آمر بالمعروف ریاستونو او د میرویس خان نیکه زابل د لوړو زده کړو مؤسسې سره په همغږي، د امیر اطاعت، نبوي سیرت او سیکولریزم پېژندنه تر عنوان لاندې دوه ورځنۍ د تقریرونو سیالۍ تیره چهارشنبه د پوهنې ریاست د غونډو په تالار کې تر سره شوي.
د تقريري سياليو د پايلو د اعلان غونډه د ميرويس خان نيکه زابل د لوړو زده کړو مؤسسې د غونډو په عمومي تالار کې نيول شوې وه، چې په کې د اطلاعات او فرهنګ، پوهنې، حج اوقاف، ام.ر بالمعروف، ابياری رياستونو رئيسانو او ميرويس خان نيکه زابل د لوړو زده کړو مؤسسې شرعياتو پوهنځي رئیس او استادانو، د ام.ارت.ي ادارو آمريتونو آمرينو د ولايت مقام وياند، استادانو، د مدارسو او ښوونځيو زده کوونکو، د پوهنتون محصلینو او عامو خلګو برخه اخيستې وه.
په دغو سیالیو کې د پوهنتون، مدارسو او ښوونځيو ۳۰ تنو محصلینو/ زده کوونکو برخه اخيستې وه، چې تر شپږم مقام پوري خاصي او پاتي نورو مقامونو ته عادي جايزې په نظر کې نيول شوې وې، چې په کې د میرویس خان نیکه زابل د لوړو زده کړو مؤسسې د شرعیاتو پوهنځی یو تن محصل نورالله نوري دوهم مقام خپل کړ، د میرویس خان نیکه زابل د لوړو زده کړو مؤسسې رهبري، نوموړي محصل ته ددې لاسته راوړني مبارکي وایې او په راتلونکې کې ورته د نورو لاسته راوړونو او بریاوو دعا کوي.
