د هلمند پوهنتون مالي او اداري معاون او ورسره مل پلاوي يې د میرویس خان نیکه زابل د لوړو زده کړو مؤسسې څخه لیدنه ترسره کړه
د هلمند پوهنتون مالي او اداري معاون او ورسره مل پلاوي يې د میرویس خان نیکه زابل د لوړو زده کړو مؤسسې څخه لیدنه ترسره کړه
د هلمند پوهنتون مالي او اداري معاون، د کادري غړو او اداري کارمندانو په ملتیا، د میرویس خان نیکه زابل د لوړو زده کړو مؤسسې څخه د علمي سیر په جریان کې لیدنه وکړه.
نوموړي پلاوي د یادې مؤسسې له رهبري او د ادارې له نورو مسئوولینو سره وکتل او د ګډو همکاریو، اداري تجربو تبادلې، او کادري ظرفیت لوړونې په اړه یې خبرې اترې وکړې.
د میرویس خان نیکه زابل د لوړو زده کړو مؤسسې رهبري د هلمند پوهنتون پلاوي ته هرکلی ووایه او د پوهنتون د عمومي وضعیت، پرمختګونو، ستونزو او اړتیاوو په اړه یې لنډ معلومات وړاندې کړل. همداراز دواړو لورو د علمي او اداري همکاریو د پراخېدو هوډ څرګند کړ.
راغلي پلاوي د یادې مؤسسې د مختلفو پوهنځیو او ادارو څخه هم لیدنه ترسره کړه او د خدماتو د کیفیت، تنظیم، او پرمختګونو څخه یې ستاینه وکړه.
دغه لیدنه د دواړو پوهنتونونو ترمنځ د علمي تفاهم، ګډو همکاریو او تجربو شریکولو لپاره ارزښتناکه ګام و، چې تمه ده په راتلونکي کې به نور علمي او اداري تعاملات هم زیات شي.
نېټه: 1404/4/8
د نشراتو اړیکو او عامه پوهاوي عمومې مدیریت.
