د هرات پوهنتون سره د ګډو همکاریو هوکړه لیک لاسلیک شو
د میرویس خان نیکه زابل د لوړو زده کړو مؤسسې او هرات پوهنتون ترمنځ د ګډو همکاریو هوکړه لیک د میرویس خان نیکه زابل د لوړو زده کړو مؤسسې رئیس الحاج روح الله مشال او هرات پوهنتون رئیس ش.ی.خ ابوالحکمت مفتي عبدالغفار تر منځ په داسي حال کې لاسلیک شو، چې پرمهال یې د د دواړو پوهنتونونو رهبرۍ، استازو او هرات ولایت مرستیال والي مهاجر فراهي شتون درلود.
د یاد هوکړه لیک له مخي به دواړه ریاستونه هڅه کوي، ترڅو د څېړنې، سمینارونو، پلان جوړولو، ظرفیت لوړونې، او ځینو نورو برخو کې یو له بل سره همکاري وکړي او له شته آسانتیاوو او فرصتونو څخه به د یو او بل په ګټه کار اخلي.
د یادوني وړ ده چې څو ورځي وړاندې د میرویس خان نیکه زابل د لوړو زده کړو مؤسسې او د هلمند پوهنتون ترمنځ هم د ګډو همکاریو هوکړه لیک لاسلیک شو.
