د مالي او تدارکاتي کمیټې میاشتنۍ غونډه تر سره شوه.
نن ورځ چهار شنبه چې د ۱۴۴۶/۱۲/۲۱نیټې سره برابره ده د میرویس خان نیکه زابل د لوړو زده کړو مؤسسې د مالي او تدارکاتي کمیټې میاشتنۍ نوبتواره غونډه په داسي حال کې ترسره شوه چې د مالي او اداري چارو مرستیال، د پوهنځیو رئیسانو او د کمیټې نورو غړو په یاده غونډه کې ګډون درلود.
غونډه د قرآن کریم په تلاوت سره پیل او وروسته د یادې کمیټې آمر د مالي او اداري چارو مرستیال قاري محمد الدین (انس) د غونډې کډونوالو ته د ښه راغلاست وروسته پیلیزه وینا وړاندې کړه،
وروسته د مالي او تدارکاتي کمیټې د غونډې ګډونوالو په نوبتوار ډول سره د اجنډا پر موضوعاتو باندې بحث وکړ او یو شمېر مهمې پریکړي يې وکړې.
پورته ذکر شوې غونډه د دُعا په ویلو سره پای ته ورسېده.
