د ازموینو له روان بهیر څخه لیدنه ترسره شوه.
نن شنبه چې د ۱۴۴۷/۱/۱۶نیټې سره برابره ده د میرویس خان نیکه زابل د لوړو زده کړو مؤسسې رئیس الحاج روح الله «مشال»
د پسرلني سمستر له وروستۍ ازموینو څخه رسمي لیدنه وکړه.
لکه څرنګه چې د ازموینو له بهیر څخه د مسؤلینو لیدنې د لا ښه تنظیم او د تحصلي معیارونو د لوړتیا لپاره یو مهم ګام بلل کیږي، په همدې اساس نوموړي رئیس د مختلفو صنفونو د ازموینو صحنې له نږدې وکتلې.
د یادې لیدنې موخه چې د ازموینو شفافیت، د نظم څارنه، او د محصلینو د ستونزو ارزونه وه، نوموړي رئیس استادانو ته وویل: چې د شفافو او عادلانه ازموینو ترسره کول د یادې مؤسسې د رهبري جدي مسؤلیت دی، تاسو هم په دې برخه کې خپلو مسؤلیتونو ته جدي پاملرنه وکړئ.
یادې ازموینې چې په تېره اونۍ کې د لوړو زده کړو وزارت په هدایت او د میرویس خان نیکه زابل د لوړو زده کړو مؤسسې د پلان له مخې پیل شوې په راتلونکو اونیو کې به بشپړ شي.
د نشراتو اړیکو او عامه پوهاوي مدیریت.
