دعلمي شورا نوبتي غونډه تر سره شوه
نن شنبه د میرویس خان نیکه زابل دلوړو زده کړو په مؤسسه کښي د مؤسسې د علمي شورا نوبتي غونډه په داسی حال کي وشوه، چي پر مهال ئی د میرویس خان نیکه زابل د لوړو زدکړو مؤسسې د رئیس نائب نوماند پوهنیار احسان الله سعد، د پوهنځی رئيسانو او د شورا غړو حضور درلود.
یاده غونډه چي دقرآن کریم د څو مبارکو آیاتو په تلاوت پیل شوه؛ په سر کښي د میرویس خان نیکه زابل د لوړو زده کړو مؤسسې د رئیس نائب احسان الله سعد له لوري د غونډي ګډونوالو ته ښه راغلاست ووایه او د غونډي اجنډا يي ګډونوالو ته بیان کړه.
وروسته د غونډي د ګډون والو له لوري د اجنډا مطابق پر ځینو موهمو مواردو بحث وشو چي پکښي ددرسونو دبیرته حضوري پيل، د راتلونکي ۱۴۰۳ هــ ش کال د اصلي کمیټو د غړو ټاکل او د مشورتي بورډ د غړو ټاکل شامل وو.
د غونډي په پای کښي د ګډون والو له لوري پر ځينو متفرقه مسائلو باندي بحث وشوو، وروسته غونډه د دوعا په ویلو سره پای ته ورسیده.
